Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хуулийн дагуу Монгол Улсад улс төрийн хилс хэрэгт хэлмэгдэгчдийг цагаатгаж нэр төрийг нь сэргээх, тэдэнд нөхөх олговор олгох, улс төрийн хэлмэгдүүлэлтийн бусад үр дагаврыг арилгахтай холбоотойгоор тэдний үр хүүхэд, ар гэрт төрөөс нөхөх олговор олгодог болсон. Үүнтэй холбоотойгоор Хашаат сумын 3-р багийн иргэн Нямын охин Цэрэндолгор 40.0 сая төгрөгийн нөхөх олговор гардан авлаа. 40.0 сая төгрөгийн нөхөх олговрыг батламжийн хамт аймгийн ИТХ-ын дарга Б.Өсөхбаяр гардуулан өглөө. 2020 он гарсанаас хойш тус аймгаас 1 хүн 80 сая, 3 хүн 40 сая , 2 хүн 20 сая , 1 хүн 1 сая төгрөгийн нийт 9 хүн нөхөх олговор аваад байна.