Аймаг, сумын засаг даргын захирамжийн дагуу "Ой хээрийн болон объектын гал түймрээс урьдчилан сэргийлэх болон гал түймрийн үед хэрхэн ажиллах тухай" дадлага сургуулилтыг Дархан-Уул аймгийн онцгой байдлын газар, Дархан сумын засаг даргын тамгын газар хамтран зохион байгуулав.

Дадлага сургуулилтад аймагт үйл ажиллагаа явуулдаг төрийн болон томоохон хувийн хэвшлийн аж ахуй нэгж байгууллагын 200 гаруй албан хаагчдаас бүрдсэн мэргэжлийн анги бүлгүүд хамрагдав.

Тэд болзошгүй нөхцөл байдал үүссэн үед ямар үүрэг гүйцэтгэх, ой хээрийн түймэртэй тэмцэхэд юуг анхаарах, хүч хэрэгсэл, болон шаардагдах шатах тослох материал, хоол хүнсний нөөц бүрдүүлэлтийг хэрхэн хийх зэрэг гамшгаас хамгаалах үйл ажиллагаанд яаж оролцох талаарх мэдлэг мэдээллээ нэмэгдүүлэв