Төв аймгийн Сүмбэр сумын ЗДТГ, Соёлын төв, Дэлхийн Зөн Төв ОНХХ хамтран эмэгтэйчүүдийн чуулга уулзалт 4-р сарын 20-ны өдөр болж өндөрлөлөө. Чуулга уулзалтыг аймгийн ИТХ-ын төлөөлөгч, Сумын Засаг дарга С.Мөнхтүвшин болон ИТХ-ын дарга Д.Батбилэг нар нээж чуулганы төлөөлөгч нарт баяр хүргэж, мэндчилгээ дэвшүүлсэн байна.
Салбар салбарын төлөөлөл болсон малчин, саальчин, бизнесмэн, төрийн албан хаагч эмэгтэйчүүд чуулга уулзалтанд оролцож байгаа бөгөөд эмэгтэйчүүдийн дуу хоолойг нийгэмд хүргэх, тэдний чөлөөт цагийг зөв боловсон өнгөрөөх, бие биенээсээ суралцах, эмэгтэйчүүдийн зөвлөлийг байгуулахад оршиж байгаа аж. Чуулга уулзалт хоёр өдөр үргэжилсэн бөгөөд 2 дахь өдрөө спортын тэмцээн уралдаанаар өрсөлдөж шилдгүүдээ тодруулсан байна.
