Дархан-Уул аймгийн Засаг дарга С.Насанбатын санаачилгаар энэ сарын 29-ний өдөр аймгийн Эрүүл мэндийн салбарынхан иргэд үйлчлүүлэгчиддээ эрүүл мэндийн тусламж үйлчилгээг үнэ төлбөргүй үзүүлэх нээлттэй хаалганы өдрөө зохион байгуулахаар болжээ. Энэ сарын 29-н буюу Бямба гаригт болох энэхүү Эрүүл мэндийн салбарын нээлттэй хаалганы өдрийн нээлт 10.00 цагт аймгийн ЭМГ, Нэгдсэн эмнэлэгийн өмнөх талбайд болох аж. Нээлттэй хаалганы өдрийн хүрээнд Нэгдсэн эмнэлгийн лабортори, Өрхийн эрүүл мэндийн төвүүд, хувийн хэвшлийн эмнэлгүүд дээр 09.00-17.00 цагийн хооронд Зорилтот бүлгийн иргэдэд үзлэг шинжилгээ, витаминжуулалт, жирэмснээс хамгаалах эм хэрэгсэл, сэргээн засах эмчилгээ, хэвтрийн өвчтөний асаргаа сувилгааг үнэ төлбөргүй үзүүлэх ажээ. Мөн халамж үйлчилгээ, сургалт, сурталчилгааг хийж 17.30 минутад Эрүүл мэндийн газрын хурлын танхимд хаалтын арга хэмжээг хийхээр болсон байна.