Аймгийн Хойд бүсийн сумд буюу Батсүмбэр, Баянцогт, Жаргалант, Борнуур, Баянчандмань сумдын Түшиц хурал  Баянчандмань суманд  2017 оны 04-р сарын 24-ны өдөр уулзалдаж туршлага судлах арга хэмжээг зохион байгуулсан байна.

Уг арга хэмжээнд Батсүмбэр, Баянцогт, Жаргалант, Борнуур, Баянчандмань сумдын ИТХ-ын дарга, нарийн бичгийн дарга нар оролцож 2017 онд Хойд бүсийн Түшиц хурлын  хэмжээнд хийх ажлын төлөвлөгөөгөө хэлэлцэж батласан байна.

Тус уулзалтаар Баянчандмань сумын  ИТХ-аас Түшиц сумдадаа Мэргэжил  сургалт үйлдвэрлэлийн төв, Сүүн далай оргих хоршоо, Эко бордооны үйлдвэр, Баян шувууны үйлдвэр, "Чандмань Агро" паркийн хүлэмж зэрэг аж ахуй нэгжийн үйл ажиллагааг танилцуулж ажиллажээ.

Хойд бүсийн сумдын Түшиц хурлын энэ удаагийн цугларалтаар 2017 онд хийх ажлын төлөвлөгөөнд тусгах саналыг сум бүрээр гарган өөрсдийн сумдын ололт амжилттай талуудыг харилцан ярилцаж ажилласан байна.