Аймгийн Засаг даргын тамгын газрын 7037-1212 утсанд ирсэн иргэдийн хүсэлтийн дагуу аймгийн Цагдаагийн газар 2017 оны 4,5 дугаар сард 2 удаа цахим тоглоомын газруудад хяналт шалгалтыг хийсэн байна. Шалгалтаар Дархан суманд үйл ажиллагаа явуулдаг 12 цахим тоглоомын газар, 5-н интернет кафе, Шарын гол суманд үйл ажиллагаа явуулдаг 1 цахим тоглоомын газар хамрагдаж 4-н зөрчлийг илрүүлж бүртгэлийн хугацаа дууссан 4 цахим тоглоомын газрын үйл ажиллагааг зогсоож, ЗХТХ-ийн 42.2-д зааснаар 114.000 төгрөгөөр торгож арга хэмжээ авч ажилласан байна. Иргэд та бүхэн аймаг орон нутагтай холбоотой санал хүсэлтээ аймгийн Засаг даргын тамгын газрын нээлттэй утас болох 7037-1212 утсанд хандан мэдээлэл өгөх боломжтой.