Аймгийн ГХУСАЗСЗ-ийн 2017 оны үйл ажиллагааны төлөвлөгөөний 2.14 дэх заалтыг хэрэгжүүлэх, аймгийн хэмжээнд гэр бүл, хүүхэд, залуучуудын хөгжлийн тулгамдсан асуудлууд, түүнийг шийдвэрлэх арга зам, хэрэгжүүлэх боломжийг тодорхойлох зорилгоор "Хүүхэд, гэр бүлийн өмнө тулгамдаж буй асуудал түүнийг шийдвэрлэх арга зам, хэрэгжүүлэх боломжийг тодорхойлох нь" сэдэвт аймгийн хүүхдийн нэгдсэн чуулган амжилттай зохион байгуулагдлаа. Чуулганд аймгийн төвийн нийт сургуулиуд болон сумын сургуулиудын төлөөлөл болох 250 гаруй хүүхэд оролцов.
Аймгийн нэгдсэн чуулганы 1-р шат аймгийн нийт 30 аад сургуульд зохион байгуулагдсан бөгөөд энэхүү чуулганаар хүүхдүүд өөрсдийн төлөөлөгчөө чөлөөтэй санал хураалтаар тодруулан нэгдсэн чуулганд оролцуулсан юм.
Чуулганд оролцсон хүүхдүүд өөрсдийнхөө өмнө тулгамдаж буй бэрхшээлүүд, түүнийг хэрхэн шийдвэрлэх талаар санал бодлоо хуваалцлаа.
