Сургалтыг Тиймворк тимплей сургалтын төвтэй хамтран зохион байгуулсан бөгөөд багаар ажиллах, үр нөлөөтэй баг бүрдүүлэх, төрийн бодлого шийдвэрт иргэдийн оролцоог хангах, төлөөлөгчдийн манлайлал, манлайлагчийн хөгжил зэрэг сэдвийг хүрээг хамарсан байна.Энэхүү сургалтанд дүүргийн Төлөөлөгч, ажлын албаны ажилтнууд оролцлоо.
Энэхүү сургалтын зорилго нь төр иргэний хоорондын харилцааг бэхжүүлэх, иргэдийн оролцоог хангаж байгаа сайн туршлагыг дэлгэрүүлэх, төрийн бодлого шийдвэрт иргэдийн оролцоог нэмэгдүүлэхэд иргэдийг хэрхэн татан оролцуулахад оршиж байгаа юм.
Чингэлтэй дүүргийн Иргэдийн Төлөөлөгчдийн Хурал нь нутгийн удирдлагын хариуцлага, орон нутгийн үйлчилгээг сайжруулах, орон нутгийн хурлын төлөөллийн болон хяналтын чиг үүргээ хэрэгжүүлэх чадавхийг бэхжүүлэх, Төлөөлөгчдөд зориулсан үндэсний сургалтын хөтөлбөрийг боловсруулж, түүнийг хэрэгжүүлэх механизмыг бий болгох, нутгийн өөрөө удирдах байгууллагын эрх зүйн орчныг сайжруулах зэрэг цогц арга хэмжээг хэрэгжүүлэн ажиллаж байна.
Сургалтад идэвхтэй оролцсон Төлөөлөгчиддөө баярлалаа.
