Аймгийн хэмжээнд ургаж байгаа ургамлын 75%-ийг шарилж, луулийн төрлийн ургамал эзэлдэг бөгөөд нийт 131 га талбайд үндсэндээ хогийн ургамал ургадаг аж. Нийтийн эзэмшлийн гудамж, талбайн хог ургамалтай тэмцэх, хүрээлэн буй орчны өнгө үзэмжийг сайжруулах, ургамлын тоосжилтоос үүсч байгаа харшлын өвчнийг бууруулах зорилгоор ийнхүү өнөөдрөөс “Шарилжгүй Дархан аян”-ы 1 дүгээр үе шатыг эхлүүллээ. Аяны хүрээнд хор цацахаас гадна гар, механик хадуурыг ашиглан шарилжыг устгах аж. Дарханчууд та бүхэн “Шарилжгүй Дархан аян”-д идэвхтэй оролцож аж ахуй нэгж, байгууллагууд гадна 50 метр газрынхаа шарилжыг устгахыг уриалж байна.