Өнөөдөр хуралдсан аймгийн Удирдах ажилтны зөвлөгөөний төгсгөлд аймгийн Засаг дарга нийт удирдлагуудад дараах чиглэлээр үүрэг даалгаврыг өгсөн юм. Төсвийг Шинэ шатанд гаргах, аймгийн Засаг даргын 2017-2020 оны үйл ажиллагааны хөтөлбөрт тусгагдсан төсөл хөтөлбөрүүд эхнээсээ шалгарч ирэх 7 хоногоос санхүүжилтээ авна.
Иймд өөрийн харьяа баг хороонд хийгдэх төсөл хөтөлбөрүүдийн хэрэгжилтийг хангуулах тал дээр анхаарч ажиллах, хяналтыг тавих, хичээл сургууль амарч байгаатай холбогдуулан боловсролын салбарынхан эцэг эхчүүдээс ямар нэгэн байдлаар мөнгө авахгүйгээр өөрсдийн нөөц бололцоогоо ашиглан засвар үйлчилгээ хийх, татварын орлогын бүрдүүлэлтийг хангаж орон нутгийн төсвийг бүрдүүлэн ажиллах, аймаг орон нутгаас хийгдэж байгаа ажлуудад хамтран оролцох, өвөлжилттэй холбоотой баг дээрээ байгаа хүндрэлтэй асуудлынхаа талаар одооноос аймаг орон нутагтаа мэдээлэх, хамтын уялдаа холбоогоо сайжруулах ажиллах хэрэгтэйг үүрэг болгосон юм.