Олон улсын хүүхдийн эрхийг хамгаалах өдрийг тохиолдуулан олон хүүхэд төрүүлж өсгөн хүмүүжүүлсэн ээжүүдэд Монгол улсын ерөнхийлөгчийн зарлигаар “Алдарт эх”-ийн одон гардууллаа.

Дархан сумын хэмжээнд нийт 170 эх "Алдарт эх"-ийн одон авах бөгөөд өнөөдөр 142 ээжид Дархан сумын удирдлагууд болон багийн Засаг дарга нар одонг нь гардуулан өгсөн юм.

Одон авсан ээжүүдийн 11 нь "Алдарт эх"-ийн 1 дүгээр зэргийн одон, 131 ээж "Алдарт эх"-ийн 2 дугаар зэргийн одонгоор энгэрээ мялаалаа. Одонтой ээжүүдийн хамгийн залуу нь 29 настай бол хамгийн ахмад нь 60 настай ээж байв.

Ээжүүдийн дотор ихэр хүүхэд төрүүлсэн эхчүүд ч цөөнгүй байлаа. Маргааш /2017.05.31/ 28 ээжид аймгийн удирдлагууд "Алдарт эх"-ийн одонг нь гардуулан өгөх юм. МОНГОЛ ҮНДЭСТНИЙ МӨНХӨД ОРШИХЫН АЛТАН ХЭЛХЭЭ БОЛСОН, АЧТАН БУЯНТНЫ АРИУН ДЭЭД ШҮТЭЭН ЭЭЖҮҮДДЭЭ БАЯР ХҮРГЭЕ. МОНГОЛЫН ҮРС МАШ ОЛОН БОЛОХ БОЛТУГАЙ.