Сүхбаатар дүүргийн Иргэдийн Төлөөлөгчдийн Хурлын дарга Э.Ганбат 2017 оны 6 дугаар сарын 7-ны өдөр дүүргийн 20-н хорооны Иргэдийн Нийтийн Хурлын дарга, тэргүүлэгчдийг дүүргийн Хурлын их танхимд хүлээн авч уулзлаа.
Энэ үеэр Хурлын дарга Э.Ганбат уулзалтад ирсэн Иргэдийн Нийтийн Хурлын дарга, тэргүүлэгчдэд дүүргийн Иргэдийн Төлөөлөгчдийн Хурлын 2016, 2017 онд хийсэн үйл ажиллагааны талаарх мэдээллийг танилцуулж, уулзалтад оролцогчдын санал хүсэлтийг нь сонсож, сонирхсон асуултад нь хариулт өглөө.
Мөн цаашдын ажилдаа иргэдийн оролцоог хэрхэн хангаж ажиллах талаар санал солилцов.
