Аймгийн Засаг даргын зөвлөлийн хурал/2017.06.09/ 70 хувийн ирцтэйгээр болж “Теле хяналтын камер суурилуулах, ашиглах үйл ажиллагаанд мөрдөх журам”-ын төсөл, “Ахмадуудын хөдөлмөр эрхлэлтийг дэмжих” аймгийн дэд хөтөлбөрийн төсөл, “Чадварлаг эмч, мэргэжилтэн” аймгийн дэд хөтөлбөрийн төслүүдийг хэлэлцсэн байна. Ахмад мэргэжилтнүүдийн хүсэлтэд үндэслэн ажил, хөдөлмөрт оролцох оролцоог нэмэгдүүлэх, өсвөр хойч залуу үеийнхэнд зөвлөн туслах зарчмаар энэхүү аймгийн дэд хөтөлбөр хэрэгжинэ. 60 ба түүнээс настай эрэгтэй, 55 ба түүнээс дээш настай эмэгтэйчүүд хамрагдаж түр болон байнгын ажлын байраар хангагдан орлогоо нэмэгдүүлэх, ахмад мэргэжилтний мэдээллийн сан бий болох, харьяалалгүй ахмадын тоо цөөрөх давуу талтай “Ахмадуудын хөдөлмөр эрхлэлтийг дэмжих” аймгийн дэд хөтөлбөр, “Теле хяналтын камер суурилуулах, ашиглах үйл ажиллагаанд мөрдөх журам”-ын төслийг дэмжин ИТХ-ын Тэргүүлэгчдийн хурлаар оруулахаар боллоо. Харин “Чадварлаг эмч, мэргэжилтэн” аймгийн дэд хөтөлбөрийн төслийг дахин боловсруулалтад буцаажээ.
Иргэдийн төлөөлөгчдийн хурлын нэгдсэн цахим хуудас
ИТХ-ын нэгдсэн хуудас
Нутгийн өөрөө удирдах байгууллага нь аймаг, нийслэл, сум, дүүрэгт тухайн нутаг дэвсгэрийн иргэдийн Төлөөлөгчдийн Хурал, баг, хороонд иргэдийн Нийтийн Хурал байна. Монгол Улсын Үндсэн хуулийн Тавин есдүгээр зүйлийн 2 дахь хэсэг МУТББ төслөөс санаачлан бүтээв.АЙМГИЙН ЗАСАГ ДАРГЫН ЗӨВЛӨЛИЙН ХУРАЛ БОЛОВ
2017-06-12
