Чуулган завсарласантай холбогдуулан Дархан-Уул аймгаас сонгогдсон Улсын их хурлын гишүүн Д.Хаянхярваа, Б.Жавхлан, Б.Баттөмөр нар өнөөдрөөс /2017.06.12/ эхлэн байгууллагуудын ажилтан албан хаагчидтай уулзалт хийж эхэллээ. 2017 оны 06 дугаар сарын 12-нд ОБГ, Цагдаагийн газар, Ус суваг, Гааль, Татвар, МХГ, ХГБЗХГ, НДГазрын ажилтан албан хаагчидтай уулзжээ. Харин маргааш буюу 2017 оны 06 дугаар сарын 13-нд “ДДС” ТӨХК, “Дархан нэхий” ХХК, 06 дугаар сарын 14-нд “ДСЦТС” ХХК, “ДДЦС” ТӨХК, “ЦДҮС” ТӨХК, Пүрэв гараг буюу 06 дугаар сарын 15-нд “Дархан –Өртөө” зангилаа Замын I анги, Дохиолол холбоо Дархан татах хэсгийн ажилчидтай уулзах ажээ. 2017 оны 06 дугаар сарын 16-нд Мэдээлэл холбоо Цахилгаан холбоо, Шуудан холбоо, АЗДТГ, хэлтэс агентлагийн дарга, ажилтан, албан хаагчид, Эрүүл мэндийн газар, Өрхийн эмнэлэг, Нэгдсэн эмнэлэг, СӨБ-ын байгууллагын багш, ажилчидтай уулзах ажээ. Бямба гараг буюу 06 дугаар сарын 17-нд Их, дээд сургууль, МСҮТ-ийн багш, ажилчид, Нийтийн тээврийн үйлчилгээний компанийн жолооч нар, ЕБС-ийн багш, ажилчидтай уулзаж өнгөрсөн хугацаанд хийж хэрэгжүүлсэн ажлаа тайлагнахын зэрэгцээ иргэдийн өмнө тулгамдаж байгаа асуудлуудыг сонсох ажээ.