Дархан-Уул аймгийн ИТХ-ын
20 дугаар тогтоолоор Дархан хот болон сум, суурин газрын ногоон байгууламжид
мал, амьтдыг оруулахгүй байх бүсийг тогтоож өгсөн байдаг.
Хот дотор малаа зөнд нь орхиж хариулагагүй оруулсан мал бүхий иргэдэд
хариуцлага хүлээлгэх тухай Дархан сумын ИТХ-ын 45 дугаар тогтоолыг үндэслэн
Дархан сумын ЗДТГ, НААҮГ хамтран хотын ногоон бүсэд орсон малыг хаших ажлыг
зохион байгуулсан юм. Энэ ажлын хүрээнд ногоон бүсэд эргүүл шалгалт хийж 200
гаруй үхрийг НААҮГ-ын малын хашаанд хашиж, малаа хариуцлагагүй орхисон иргэдэд
мөнгөн торгууль ногдуулсан байна. Торгуулсан мал бүхий иргэд дахин малаа
хашуулбал малыг нь улсын орлого болгох аж.
