Төв аймгийн Засаг даргын Тамгын газрын Нийгмийн бодлогын хэлтэс Ерөнхий боловсролын сургуулийн дотуур байр, цэцэрлэгүүдийг хатуу зөөлөн эдлэлүүдээр хангах зорилготойгоор “Түвшин оёдол” ХХК тендерт шалгарч ажлыг гүйцэтгэсэн байна.
Тус ажлын хүрээнд аймгийн Засаг даргын 2017 оны 08 сарын 15-ны өдрийн А/479-р захирамжаар байгуулагдсан НБХ-ийн дарга Д.Мөнхцэцэгээр ахлуулсан ажлын хэсэг гарч хүлээн авсан зөөлөн эдлэлүүдийг өнөөдөр сумдад хүлээлгэн өгсөн юм.
Батсүмбэр, Борнуур, Баянчандмань сумдын 3 цэцэрлэгт нийт 190 ширхэг зөөлөн эдлэл, Батсүмбэр, Лүн, Эрдэнэ, Эрдэнэсант сумдын 4 сургуульд нийт 428 ширхэг зөөлөн эдлэлүүдийг хүлээлгэн өгсөн байна. Мөн Батсүмбэр сумын ЕБС-ийн шинээр ашиглалтад орсон дотуур байранд давхар ор 3, сандал 122, ширээ 40 ширхэгийг, Заамар сумын Шижир-Алт цэцэрлэгт гурилын комбайн, цахилгаан махны машин, жигнүүрийг иж бүрдэлийн хамт нийлүүлж, орон нутгийн өмчид бүртгэн авч, ашиглах үүрэг чиглэл өгсөн байна.
