Өнөөдөр /2017.08.29/ аймгийн ИТХ-ын төлөөлөгч Б.Азжаргал, Г.Эрдэнэсүх, З.Бадрал нарыг эрхэлсэн ажилдаа идэвх зүтгэл гарган ажиллаж, батлан хамгаалах үйлсэд оруулсан хувь нэмрийг үнэлэн Батлан хамгаалах яамны шагналаар шагналаа.
Тухайлбал аймгийн ИТХ-ын төлөөлөгч, Дархан сумын Засаг дарга Б.Азжаргалыг Батлан хамгаалах яамны “Хүндэт жуух бичиг”-ээр, аймгийн ИТХ-ын Төлөөлөгч Г.Эрдэнэсүх, З.Бадрал нарыг “Эх орны төлөө III” хүндэт тэмдгээр тус тус шагнасан бөгөөд шагналыг аймгийн ИТХ-ын дарга Г.Эрдэнэбат, Цэргийн штабын дарга Ц.Энхтөр нар гардуулсан юм. 
