Дархан-Уул аймгийн ИТХ-аас хэрэгжүүлж буй “ИТХ-ын хяналт-Оролцоо” төслийн хүрээнд аймгийн ИТХ, Тэргүүлэгчдээс сүүлийн 10 жилийн хугацаанд гаргасан тогтоолуудаас нийтийг хамарсан, хэм хэмжээ тогтоосон болон хяналт шалгалтын чиглэлээр гарсан шийдвэрүүдийг сонгон авч, амьдралд хэрхэн нийцэж байгаа, иргэдэд хэрхэн үр өгөөжөө өгч байгаа талаар урьдчилсан тандалт судалгааг явуулсан юм.
Судалгааны дагуу 7 дугаар сарын 25-наас эхлэн 1 сарын хугацаанд Дархан-Уул аймгийн харьяа 4 сум, төрийн болон хувийн хэвшлийн ААНБ-уудын ажилчин албан хаагчид, бүх нам эвсэл, төрийн бус байгууллага, иргэдийн дунд санал асуулга явуулсан бөгөөд үүнд нийт 630 гаруй хүн хамрагджээ.
Цаашид “ИТХ-ын хяналт-Оролцоо” төслийн хүрээнд иргэдээс ирүүлсэн саналуудыг судлан, үнэлэлт дүгнэлт өгч, цаашид тогтоол, шийдвэрийг сурталчлах, хяналт тавих журмыг боловсруулан хэрэгжүүлэхээр зорьж байна.
