Төслийн хүрээнд "Бэлчээрийг зөв зохистой ашиглах журам" батлан гаргах ёстой. Сумын  нутаг дэвсгэрийн бэлчээрийн даацыг тодорхойлох ажлын хүрээнд  сумын ИТХ-ын нарийн бичгийн дарга Ж.Баянтөр  БОХУ-ны байцаагч Б.Баяраа, Газрын даамал Д.Эрдэнэ, ЖДҮБХХ-сан мэргэжилтэн Г.Төмөрбаатар, Байгаль хамгаалагч Д.Мягмаржав,  бүрэлдэхүүнтэйгээр  2017 оны 8-р сарын 14-21-ны хооронд сумын ихэнх нутгаар нийт 500 км гаруй зам явж нийт 29 цэгээс фото мониторингийн судалгаа хийлээ.

Бэлчээрийн даацын судалгаа, өвөлжилт, хаваржилтийн байдалд дүн шинжилгээ хийж тухайн суманд бэлчээрийг зөв зохистой ашиглах талаар журмыг боловсруулах ажлыг төслийн багийнхан хийж байна.

2017 оны 8 дугаар сарын 20-ны байдлаар нийт нутгийн 50 орчим хувьд хэвийн, 30 гаруй хувьд дунд, 20 гаруй хувьд муу байна.