Богд сумын ИТХ-ын төлөөлөгчид 2017 оны 09 дүгээр сарын 13-ны өдөр манай сумын ИТХ-ын үйл ажиллагаатай танилцаж туршлага судаллаа. Энэхүү ажил нь МНУХ-ны 25 жилийн ойн хүрээнд болж байгаагаараа онцлог бөгөөд сумын ИТХ-ын ажлын алба хийж байгаа ажлаа танилцуулж 2 сумын төлөөлөгчид харилцан ололт амжилттай зүйлээ ярилцсан сайхан арга хэмжээ боллоо. Зочилж ирсэн төлөөлөгчдөө байгууллагуудаар явуулж үйл ажиллагаатай нь танилцлаа. Дараа нь 2 сумын төлөөлөгчид, ажлын албадын бүрэлдэхүүнтэй 4 баг гар бөмбөгийн тэмцээн зохион байгуулж Батцэнгэл дасгалжуулагчтай Богд сумын 1 дүгээр баг тэргүүн байр, Баттогтох ахлагчтай Өлзийт сумын 1 дүгээр баг 2-р байр, Өлзийбаатар ахлагчтай 2 дугаар баг 3 дугаар байр эзлэв. Мөн төлөөлөгчдийн дунд шатрын тэмцээн зохион байгуулж Богд сумын хурлын төлөөлөгч Д.Өлзийбаяр 1-р байр, Өлзийт сумын хурлын ахмад төлөөлөгч, Тэргүүлэгч С.Цэнд 2-р байр, ширээний теннисний эрэгтэйчүүдийн тэмцээн Өлзийт сумын ИТХ-ын дарга С.Гонгор 1-р байр, Богд сумын хурлын төлөөлөгч Батхуяг 2-р байр, эмэгтэйчүүдийн теннисний тэмцээнд Өлзийт сумын ИТХ-ын төлөөлөгч В.Түвшинсайхан 1-р байр, 2-р байрт ИТХТ-н нарийн бичгийн дарга Д.Нарантуяа нар орсон амжилт үзүүллээ.