Дархан-Уул аймагт “Бичил уурхайг хөгжүүлэх дэд хөтөлбөр, бичил уурхайн талаар аймгийн хөгжлийн бодлого, баримт бичигт тусгах талаар хэлэлцүүлэг энэ сарын 04-ний өдөр аймгийн Байгаль орчин аялал жуулчлалын газарт зохиогдлоо. Хэлэлцүүлгээр аймгийн Бичил уурхайг хөгжүүлэх дэд хөтөлбөрийн боловсруулалт, түүний зорилго, зорилтын талаар хэлэлцэхийн зэрэгцээ Бичил уурхай эрхлэгчдийн санал хүсэлтийг сонсож, ярилцсан байна.

Уг хэлэлцүүлэгт аймгийн Байгаль Орчин Аялал Жуулчлалын газрын удирдлагууд, холбогдох мэргэжилтнүүд оролцохоос гадна аймгийн ЗДТГ-ын Хөрөнгө Оруулалт Хөгжлийн Бодлого, Төлөвлөлтийн хэлтэс, Төрийн Захиргаа Удирдлагын хэлтэс, Газрын Харилцаа Барилга Хот Байгуулалтын газар, Мэргэжлийн Хяналтын газрын холбогдох албаныхан, Хонгор, Шарын гол сумдын ИТХ-ын дарга, болон бичил уурхайчдын төлөөлөл оролцлоо.