Монгол улсад Үйлдвэрчний эвлэлийн хөдөлгөөн үүсч хөгжсөний 100 жил, үндэсний төв байгуулагдсаны 90 жилийн ойн баярт зориулсан баярын хурал 2017 оны 10 дугаар сарын 7-ны өдөр амжилттай зохион байгуулагдаж өнгөрлөө. 

Тус арга хэмжээний нээлтэд аймгийн ИТХ-ын дарга С.Түмэнбаяр, аймгийн Засаг даргын орлогч Г.Эрдэнэцэцэг нар уригдан оролцож, үйлдвэрчний эвлэлийн тухай өөрийн санал бодлоо хуваалцаж үе үеийн удирдлагууд, нийт гишүүд, идэвхтэн сонгуультнуудад баяр хүргэж мэндчилгээ дэвшүүллээ.

Мөн энэ өдөр “Саран Хөхөө” театрт ойн баярт зориулсан баярын хурал болсон бөгөөд ажил үйлсээрээ тэргүүлсэн МҮЭХ-ны САЗТ-ын ахлах мэргэжилтэн, төслийн зохицуулагч  Ц.Гэнэндуламыг “Аймгийн ИТХ-ын даргын ӨРГӨМЖЛӨЛ”-өөр шагнаж урамшууллаа.