Сүхбаатар дүүргийн Иргэдийн Төлөөлөгчдийн Хурлын Ажлын алба Монголын Нутгийн удирдлагын нийгэмлэгтэй хамтран 2017 оны 10 дугаар сарын 12-ны өдөр хороодын Иргэдийн Нийтийн Хурлын дарга болон Иргэний танхимын зохион байгуулагч нарт зориулсан хороодын Иргэдийн Нийтийн Хуралтай холбоотой хууль эрх зүйн зохицуулалт, иргэний оролцоо, түүний хэлбэрүүд, сайн туршлага сэдэвт сургалтыг дүүргийн Засаг даргын Тамгын газрын хурлын их танхимд зохион байгуулав.
Уг сургалтыг дүүргийн Иргэдийн Төлөөлөгчдийн Хурлын дарга Э.Ганбат нээж, мэндчилгээ дэвшүүлж, шинээр сонгогдсон Иргэдийн Нийтийн Хурлын дарга нарт үнэмлэх гардуулав. Хурлын Ажлын албаны дарга Д.Азжаргал дүүргийн Иргэдийн Төлөөлөгчдийн Хурал болон Ажлын албаны бүтэц, чиг үүргийг танилцуулж, мөн Монголын Нутгийн удирдлагын нийгэмлэгийн гүйцэтгэх захирал Ц.Батгэрэл, багш М.Туяа, багш Б.Дөлгөөн нар холбогдох хууль тогтоомж, Иргэдийн Нийтийн хурлын бүрэн эрхийн тухай сургалтыг явуулж байна.
Сургалтад хороодын Иргэдийн Нийтийн Хурлын дарга болон Иргэний танхимын зохион байгуулагч нарын нийт 40 хүн хамрагдав.
