Жил бүрийн тав, аравдугаар сарын хоёр дахь долоо хоногийн бямба гаригийг “Бүх нийтээр мод тарих үндэсний өдөр” болгон зарласан байдаг. Энэ өдрийн хүрээнд Дархан-Уул аймгийн хэмжээнд “Нэг хүн-Нэг мод” аяныг өрнүүлсэн.
Дархан сумын ИТХ-ын ажлын албаныхан Мангиртын 15 баг буюу “Шинэ гудамж” төслийг хэрэгжүүлэгч иргэдийн хамт гоёлын агч мод тарих аянд нэгдэв. Мод тарих нь нэг насны буян гэдэг. Шинэ гудамж төслийг хэрэгжүүлэгч Мангиртын 15 дугаар багийн иргэдийн явган хүний зам тавих ажилд туслаж амралтын өдрийг үр бүтээлтэй өнгөрүүлэв.
