Дархан хотын 56 жилийн ой, Аймгийн Засаг даргын 2017-2020 оны үйл ажиллагааны хөтөлбөрт тусгагдсан “Эрүүл хот”, “Спортлог Дарханчууд” аймгийн дэд хөтөлбөрийн хүрээнд Нийгмийн ардчилал монголын залуучуудын холбоо, Биеийн тамир спортын газартай хамтран “Мөрөөдөл өөдөө” хөгжлийн бэрхшээлтэй иргэдийг спортоор нийгэмшүүлэн хөгжүүлэх, дэмжих мөн Сургуулийн өмнөх боловсролын салбарт тодорхой хандив болон очих бүх нийтийн хандивын марафон гүйлтийн уралдааныг 2 дахь жилдээ зохион байгууллаа. Өнгөрсөн жилийн уралдаанд нийт 34 байгууллагын 500 гаран тамирчин, 20-иод аж ахуйн нэгж байгууллагууд хамтран оролцсон бол өнөө жил 20-н байгууллагын 800 гаруй тамирчид оролцсон юм. Өнгөрсөн жилийн уралдаанаас цугларсан 500,0 мянган төгрөгийг асрамж халамж шаардлагатай өндөр настанд, 2020 оны олимпын эрх авах тэмцээнд оролцох хөгжлийн бэрхшээлтэй иргэнд 1,0 сая төгрөг, Шинээр байгуулагдсан 25 дугаар цэцэрлэгийн 2 ангид 300,0 төгрөгийн тоглоомын баяжилтыг хийж өгчээ.