Мэргэжлийн сумо бөхийн 69 дэх Их аварга Хакүхо М.Даваажаргалын нэрэмжит “Хакүхо цом” өсвөрийн сумочдын тэмцээн таван насны ангилалд 10 дугаар сарын 22-нд Улаанбаатар хотноо зохион байгуулагджээ. 
Энэхүү тэмцээнд 10, 12, 13-15 гэсэн гурван насны ангилалд Дархан-Уул аймгийн өсвөрийн сумочид амжилттай оролцож цом, медалийн эзэд болцгоожээ. 13-15 насны ангилалд Од цогцолбор сургуулийн сурагч Б.Батжаргал аваргын цомын эзэн болж Япон улсад үнэ төлбөргүй суралцах эрхээр шагнуулсан байна. Харин 10 насны төрөлд Од цогцолбор сургуулийн 6 дугаар ангийн сурагч А.Сумъяабазар 2 дахь удаагийн аваргын цомын эзэн болжээ. Мөн Од цогцолбор сургуулийн 7 дугаар ангийн сурагч С.Шинэхүслэн 12-н насны төрөлд хүрэл медаль хүртжээ. Аймгийнхаа нэрийг өндөрт өргөсөн өсвөрийн сумочидтай аймгийн Засаг дарга С.Насанбат уулзаж амжилт хүслээ.