Аймгийн ИТХ-ын Тэргүүлэгчдийн хуралд /2017.10.30/ аймгийн Засаг даргын Орлогч Т.Ганболд аймгийн өвөлжилтийн бэлтгэл ажлын талаар мэдээллийг хүргэлээ. 
Дархан-Уул аймгийн Засаг даргын А/258 дугаар захирамжаар Дархан-Уул аймгийн хэмжээнд 2017-2018 оны өвлийн бэлтгэл ажлыг хангуулах ажлын хэсэг байгуулагдсан бөгөөд 2017-2018 оны өвлийн бэлтгэл ажлын төлөвлөгөөг зохион байгуулалтын -6, дэд бүтэц, их засварын ажлын -6, хөдөө аж ахуйн салбарын -8, бусад -7 төрлийн ажлыг хэрэгжүүлэхээр төлөвлөсөн байна. Өвлийн бэлтгэл хангах ажлын хүрээнд Орхон сумын ЗДТГ-ын барилгын дулааны шугам шинэчлэн солих, Ахмадын байрны засвар, дулааны шугамыг шинэчлэх, “ЭМТ Наран” ОНӨААТҮГ-н Уурын зуухны засвар, Дархан сум 10-р цэцэрлэгийн барилгын гадна бохир усны шугам засвар, “ГОС ХОТ” ӨЭМТ-ийн сантехникийн засвар, Долоон СӨХ-д зоорийн давхрын инженерийн шугам сүлжээ засварлах, 5 дугаар цэцэрлэгийн сантехникийн засвар зэрэг ажлуудыг нэн яаралтай шийдвэрлэх шаардлагатай тулгамдсан дараах асуудлыг Засаг даргын нөөц хөрөнгөөс санхүүжилт авч өвөлжилтийн бэлтгэл хангасан байна.
Мөн Энэ онд нийт 21,9 мян. га-д тариалалт хийсэн. Үүнээс: / буудай 14,2 мян. га-д, арвай 812 га-д, гурвалжин будаа 30 га-д, тосны ургамал 4,9 мян.га-д, төмс 855,6 га-д, хүнсний ногоо 984.4 га-д, малын тэжээл 90 га-д/ бэлджээ.
Гангийн нөхцөл байдал үүссэн нь таримал ургамлын ургалтад муугаар нөлөөлж нийт 3.8 мян.га талбайн ургацыг алдаад байна. Үүнээс /буудайн 1,0 мян. га, тосны ургамал болон малын тэжээл тарьсан 2,8 га талбайгаас малын тэжээл бэлтгэсэн байна.
