Дархан-Уул аймгийн хэвлэл мэдээллийн салбарт өөрийн гэсэн өнгө төрхийг бий болгож, хил хязгааргүй хэвлэл мэдээллийн орчинд тасралтгүй үйл ажиллагаагаа явуулж байгаа Дарханы сэтгүүлчид “Сэтгүүл зүйн ёс зүй” сэдэвт сургалтад өнөөдөр /2017.11.03/ хамрагдлаа. Тус сургалтыг Бүгд найрамдахчуудын олон улсын хүрээлэн, Монголын сэтгүүлчдийн нэгдсэн эвлэлийн Дархан-Уул аймаг дахь салбар зөвлөл хамтран зохион байгуулсан аж. АНУ-ын Засгийн газрын хэвлэл мэдээллийн харьяа сүлжээ байгууллага болох олон улсын сургалт, хөгжлийн хөтөлбөрийн дарга “Жөүн Мауэр” сэтгүүл зүйн ёс зүй, хуурамч мэдээ гэж юу вэ?, бодит мэдээ гэж юу вэ?, эрин сурвалжлах сэтгүүл зүй гэж юу вэ гэсэн 3-н дэд бүлгийн хүрээнд 12 сэдвээр сургалт явагджээ. Сэтгүүлчдэд зориулсан энэхүү сургалтад нийтдээ хэвлэл мэдээллийн салбарын 20 гаруй уран бүтээлчид хамрагдан өөрсдийн оюун ухаандаа хөрөнгө оруулалт нэмлээ.