Дархан сумын ИТХ-ын Тэргүүлэгчдийн хуралдаан өнөөдөр 2017.11.07 ны өдөр болов. Ээлжит хуралдаанаар аймгийн Газрын харилцаа барилга хот байгуулалтын газрын мэргэжилтэн Б.Мөнхчулуун Хаяг, дугаар олгох тухай мэдээлэл хийлээ. Дархан суманд авто үйлчилгээний зориулалтаар 1 , хувийн орон сууц -3 иргэнд хаяг дугаар олгох асуудлыг Тэргүүлэгчид дэмжиж батлав.
Түүнчлэн тус хурлаар Төрийн дээд одон медальд шагнуулахаар тодорхойлогдсон 14 хүний материалтай танилцаж, хэлэлцсэн юм. Үүнд: Хөдөлмөрийн гавъяаны улаан тугийн одон -1 , “Алтан гадас” одон-8,” “Хөдөлмөрийн хүндэт медаль”- 4 тус тус шагнуулахаар хамт олон, аймаг, сумын Засаг дарга, харьяалах дээд байгууллагаар дэмжигдэн ирсэн бөгөөд Дархан сумын ИТХ-ын Тэргүүлэгчдийн 100 хувийн саналаар аймгийн Засаг даргад уламжлахаар боллоо.
