Дархан хот, Улан-Үдэ хотын хооронд найрамдалт харилцаа тогтсоны 50-н жилийн ой энэ онд тохиож байна. 50-н жилийн ойн хүрээнд 2017 оны 11 дүгээр сарын 14,15-ний өдрүүдэд “Улан-Үдэ хотын соёлын өдрүүд -2017” арга хэмжээг зохион явуулахаар төлөвлөсөн. Энэ дагуу өнөөдөр /2017.11.12/ Улан-Үдэ хотын ажлын хэсэг манай аймагт хүрэлцэн ирж соёлын өдрүүдтэй холбоотой харилцан санал солилцлоо. Соёлын өдрүүдийн нээлт, хүндэтгэлийн концерт Залуучууд театрт 2017 оны 11 дүгээр сарын 14-ний 16.00 цагаас болох бөгөөд энэхүү арга хэмжээнд иргэд та бүхнийг өргөнөөр оролцохыг урьж байна. Мөн 11 дүгээр сарын 15-ны өдөр 10.00-11.30 цагт 50 жилийн ойд зориулсан зургийн үзэсгэлэн Залуучууд театрт гарах бол 11.00-12.00 цагт Бизнес эрхлэгчдийн уулзалт Буудай зочид буудалд болох ажээ. 15-ны өдөр 17.00-18.30 Соёлын өдрүүдийн хаалтын үйл ажиллагаанд зориулсан “Найрамдал” тоглолт Залуучууд театрын их танхимд тус тус болно.