Монгол, Орос хоёр улсын хамтын ажиллагаа өнө эртний түүхтэй билээ. Үүний дотор Дархан-Улаан-Үд хотууд найрамдалт харилцаа тогтоогоод 50 жил болж байна. 50-н жилийнхээ ойг тохиолдуулан 2 хотын бизнес эрхлэгчид өнөөдөр 2017.11.15 Буудай зочид буудалд “Бизнес уулзалт”-ыг зохион явууллаа. Манай аймгаас 40 гаруй аж ахуйн нэгж байгууллагын төлөөлөл, Улаан-Үд хотоос Титан төвийн дэд захирал Муратов Алексей, Капитал Молл худалдааны төвийн дэд захирал Тугаринов Сергей, Альянс компанийн ерөнхий захирал Ринчино Баатар нар оролцсон юм. Мөн энэ үеэр зарим үйлдвэрлэгчид бүтээгдэхүүнийхээ дээжийг зочид төлөөлөгчдөд танилцуулахын зэрэгцээ хөгжлийн шинэ гарцыг хамтдаа ярилцаж хамтын ажиллагаагаа өргөжүүлэхээр боллоо.