Аймгийн ИТХ-ын Тэргүүлэгчдийн хурлаар /2017.11.27/ аймгийн хэмжээнд 2018 онд арчилгаа цэвэрлэгээний огтлолт, ойн цэвэрлэгээ явуулах замаар хэрэглээний болон түлээний мод бэлтгэх модны дээд хязгаар, талбай тусгаарлалтын хэмжээ, ойн сангийн ашиглах нөөцгүй сумдын мод модон материалын хэрэгцээг хангах сумын нэрсийг хэлэлцэн баталлаа. Тухайлбал: Аймгийн хэмжээнд 2017 онд ойгоос бэлтгэх хэрэглээний модны дээд хязгаарыг 300 га талбайгаас түлээний модны дээд хязгаарыг аймгийн хэмжээнд 8516 метр куб, хэрэглээний модыг 3884 метр. куб байхаар тогтоолоо. Хурлын үеэр аймгийн ИТХ-ын дарга Г.Эрдэнэбат ойгоос мод бэлтгэх батлагдсан дээд хязгаарт багтаан арчилгаа цэвэрлэгээ огтлолт явуулах, хяналт тавих, арчилгаа цэвэрлэгээний огтлолтыг зөвхөн ойн мэргэжлийн байгууллагаар, ойн цэвэрлэгээг ойн нөхөрлөлүүдээр хийлгэж, хэрэгжилтийг хангаж ажиллахыг Сумдын Засаг дарга нарт үүрэг болгов.
Иргэдийн төлөөлөгчдийн хурлын нэгдсэн цахим хуудас
ИТХ-ын нэгдсэн хуудас
Нутгийн өөрөө удирдах байгууллага нь аймаг, нийслэл, сум, дүүрэгт тухайн нутаг дэвсгэрийн иргэдийн Төлөөлөгчдийн Хурал, баг, хороонд иргэдийн Нийтийн Хурал байна. Монгол Улсын Үндсэн хуулийн Тавин есдүгээр зүйлийн 2 дахь хэсэг МУТББ төслөөс санаачлан бүтээв.2018 ОНД ОЙГООС БЭЛТГЭХ МОДНЫ ДЭЭД ХЯЗГААРЫГ ТОГТООВ
2017-11-28
