Аймгийн ИТХ-ын дэргэдэх Иргэний танхим, ГХУСАЗСЗ-тэй хамтран “Замын хөдөлгөөний аюулгүй байдлыг хангаж, эрсдэлийг бууруулах нь” сэдэвт нээлттэй хэлэлцүүлгийг өнөөдөр /2017.11.01/ зохион байгуулсан бөгөөд хэлэлцүүлэгт Иргэний танхимын дарга Д.Гантулга, аймгийн Цагдаагийн газрын Замын цагдаагийн тасгийн дарга М.Баттулга, Авто тээврийн төвийн дарга Ш.Эрдэнэбат нарын албаны төлөөлөл, сумдын иргэдийн төлөөлөл, нийтийн тээврийн жолооч нар оролцсон юм.
Хэлэлцүүлгийн эхэнд аймгийн Цагдаагийн газрын Замын цагдаагийн тасгийн дарга М.Баттулга “Замын хөдөлгөөний аюулгүй байдлын журмын эсрэг гэмт хэргээс хэрхэн урьдчилан сэргийлэх, цаашид анхаарах асуудал”, Аймгийн Авто тээврийн төвийн Улсын байцаагч Г.Жаргалсайхан “Хот хоорондын нийтийн тээврийн хэрэгслийн хөдөлгөөний аюулгүй байдал, осол зөрчлөөс урьдчилан сэргийлэх, цаашид анхаарах асуудал”, Дархан орон нутгийн зам тээвэр ОНӨААТҮГ-ын дарга Ц.Сэргэлэн “Орон нутгийн нийтийн тээврийн хэрэгслийн хөдөлгөөний аюулгүй байдал, осол зөрчлөөс урьдчилан сэргийлэх, цаашид анхаарах асуудал” сэдвээр тус тус мэдээлэл хийлээ.
Энэ үеэр нийтийн тээврийн зорчигч тээврийн үйлчилгээ эрхэлдэг тендерийн компанийн жолооч нар хэлэлцэж буй асуудалтай холбогдуулан холбогдох албаныхнаас асуулт асууж, хариулт авсан юм. Мөн саналаа хэлж байв.
