Аймгийн Боловсрол, соёл, урлагийн газраас Ерөнхий боловсролын сургуулиудын удирдах ажилтны сургалт семинарыг энэ сарын 23-аас 24-ний өдрүүдэд зохион байгуулж байна. Сургалт семинарт Аймгийн Ерөнхий боловсролын 33 сургуулийн захирал , сургалтын менежер 55, нийт 88 удирдах албан тушаалтан хамрагдаж байна.
Сургалт, семинар нь 2017-2018 оны хичээлийн жилд Монгол улсын Засгийн газар, БСШУСЯ, аймгийн ИТХ, Засаг даргаас боловсролын талаар дэвшүүлсэн бодлого, шийдвэрүүдийн хэрэгжилтийг хангахад анхаарах асуудал, бага, суурь, бүрэн дунд боловсролын сургалтын цөм хөтөлбөрийн хэрэгжилтийн өнөөгийн байдалд дүгнэлт өгөх, судлагдахуун тус бүрээр нарийвчилсан мэргэжил арга зүйн зөвлөгөө зөвлөмж өгөхөд чиглэж байна.