Дархан-Уул аймгийн өвөлжилтийн бэлтгэл байдлыг хангуулах ажлын 2017.12.20 ны өдөр Орхон сум, Дархан сумын уурын зуух, өвсний нөөцтэй танилцлаа. Ажлын хэсэгт аймгийн Засаг даргын орлогч Т.Ганболд, Захирагчийн албаны дарга Э.Равжаадэлгэрэх, ОБГ, МХГ-ын холбогдох удирдлагууд багтсан юм. Орхон сумын хувьд нийтдээ 5 уурын зуух ажилладаг бөгөөд “Орхон Дэлгэр” ХХК нь  4 уурын зуухыг хариуцдаг бөгөөд өнөөдрийн байдлаар 15 хоногийн нүүрсний нөөцтэй. “Нэгдэл Трейд” ХХК-ийн хариуцдаг 1 уурын зуух 5 хоногийн нүүрсний нөөцтэй байна. Орхон суманд 2000 боодол өвс, тэжээлийн тухайд худалдан авахаар холбогдох газартай гэрээ байгуулжээ. Өвөлжилтийн бэлтгэл байдлыг хангуулах ажлын хэсэг Орхон суманд ажилласны дараа Дархан сумын 3 дугаар багт байрладаг “Дархан мөнхийн илч” ХХК-ийн нүүрсний нөөц, уурын зуухтай танилцав. Тус компани нь нэг сар 15 хоногийн нүүрсний нөөцтэй бөгөөд тулгамдсан асуудалгүй, ажиллагаа хэвийн явагдаж байна. Харин Дархан сумын 8 дугаар цэцэрлэгийг дулаанаар хангадаг уурын зуух 10 хоногийн нүүрсний нөөцтэй байгаа ажээ.