Аймгийн ИТХ-ын Тэргүүлэгчдийн хуралд өнөөдөр /2018.01.15/ Хяналт-шинжилгээ, үнэлгээ, дотоод аудитын хэлтсээс хууль тогтоомж, тогтоол шийдвэрийн хэрэгжилтэд хяналт-шинжилгээ, үнэлгээ хийсэн дүнг танилцуулсан юм.
Хяналт шинжилгээ үнэлгээ нь холбогдох хууль тогтоомж, тогтоол шийдвэрийн хэрэгжилтийн явцад хяналт-шинжилгээ хийж, гүйцэтгэлийг хяналтанд авсан зүйл, заалттай харьцуулан үр дүнг үнэлэх, зөвлөмж, дүгнэлт гаргах, удирдлагыг үнэн зөв, бодит мэдээллээр хангах, үүрэг болгосон зүйл, заалтыг бүрэн биелүүлэхэд дэмжлэг үзүүлэх зорилготой бөгөөд Дархан-Уул аймагт 2017 оны жилийн эцсийн байдлаар аймгийн Засаг дарга хяналтанд авч, хэрэгжүүлэхийг үүрэг УИХ-ын байнгын хорооны 2 тогтоолын 3 заалт, Монгол Улсын Ерөнхийлөгчийн 3 зарлигийн 4 заалт, ҮАБЗ-ийн 2 зөвлөмжийн 3 заалт, Засгийн газрын 54 тогтоолын 58 заалт, Засгийн газрын хуралдааны 16 тэмдэглэлийн 27 заалт, Засгийн газрын 1 албан даалгаврын 12 заалт, нийт 78 шийдвэрийн 107 заалтын хэрэгжилтэд хяналт тавьж, шинжилгээ, үнэлгээг хийсэн тухай Хяналт-шинжилгээ, үнэлгээ, дотоод аудитын хэлтсийн ахлах мэргэжилтэн С.Мөнхсүрэн мэдээлэв. 
Тус хэлтсээс хууль тогтоомж, тогтоол шийдвэрийн хэрэгжилтийг 98.30 хувь буюу 4.91 оноогоор үнэлжээ.
