Дархан-Уул аймгийн Хонгор сумын 2-р багийн иргэн, аймгийн Сайн малчин Мишиг овогтой Дорлиг нь мал маллаад 31 жил болж байна. Мал маллаж байх хугацаандаа  ХХААХҮЯамны “Тэргүүний ажилтан”, Дархан-Уул аймгийн “Сайн малчин”, Найрамдалын "Дархан тэмдэг" гэх мэт шагналуудаар шагнагдаж байсан. М.Дорлиг нь малын үйлдэр угсаа, малаас гарч буй ашиг шим, гарал үүслийг сайн мэддэг малч ухаантай хүн байна.

Дархан-Уул аймгийн Хонгор сумын  2-р багийн иргэн Лхамрагчаа овогтой Тамирхүү нь мал маллаад 25 жил болж байна. Мал маллаж байх хугацаандаа сумын "Сайн малчин", аймгийн "Сайн малчин" 2 удаа, ХХААХҮЯаны "Тэргүүний ажилтан", "Жуух бичиг", Дархан-Уул аймгийн "Алдарт уяач" гэх мэт шагналуудаар шагнагдаж байсан. 2017 онд Улсын баяр наадмаар өөрийн Их насны морио айргийн 4-т уралдуулж бахдам сайхан амжилтыг гаргаж аймаг, сумынхаа нэрийг гаргасан. Одоо өөрийн малаа эрчимжсэн болон бэлчээрийн  мал аж ахуйд хөгжүүлэн, хурдан хүлгээ сойж, мал аж ахуйн салбарт үнэтэй хувь нэмэр оруулан амьдарч байна.

Oлон жилийн нөр их хөдөлмөрийнхөө үр шимийг хүртсэн Улсын аврага малчиддаа баяр хүргэж эрүүл энх сайн сайхан бүхнийг хүсэн ерөөе.