Монгол улсын хэмжээнд махны 4 үйлдвэр барих болсонтой холбоотойгоор АНУ-ын хөдөө аж ахуйн зөвлөх үйлчилгээ, тоног төхөөрөмжийн худалдаа, засвар үйлчилгээг төслийн хүрээнд явуулдаг “Жарвис Монгол” ХХК Архангай аймагт  мал мах боловсруулах үйлдвэр барьж болох талаар байршил бүхий газар, малын тоо, малыг тэжээж байрлуулах эрүүл бүс байх газар зэргийг судалж өгөх санал тавьсан бөгөөд судлагаа хийх тухай харилцан ойлголцлын санамж бичигт гарын үсэг зурлаа.

“Жарвис Монгол” ХХК нь 2017 онд Өвөрхангай аймагт мал нядалгааны үйлдвэрийг бүрэн тоног төхөөрөмжөөр хангаж өгсөн байсан байна. Хэрэв Архангайд мах нядлан боловсруулах үйлдвэр баригдах шийдвэр гарвал өдөрт 1000 бог, 150-200 бод нядалж, бэлэн бүтээгдэхүүн болгох хүчин чадалтай мал нядлан боловсруулах үйлдвэр баригдана гэдгийг “Жарвис Монгол” ХХК-ий зүгээс хэллээ.