Булган аймгийн Цагдаагийн газраас сумдын Засаг дарга, сум дундын цагдаагийн тасгийн дарга, хэсгийн төлөөлөгч нартай 2018 онд хамтран ажиллах гурвалсан гэрээ байгуулж, аймгийн эрүү хэв журмын нөхцөл байдал, хэрэг бүртгэлтийн ажиллагаанд тулгарч буй хүндрэл бэрхшээл, анхаарах асуудлаар мэдээлэл хийж, хэсэгчилсэн урлагийн тоглолтоор мэндчилгээ дэвшүүллээ.

Мөн энэ үеэр 2017 оны гурвалсан гэрээний биелэлт, үр дүнг тооцож гэмт хэрэгтэй тэмцэх, гэмт хэргээс урьдчилан сэргийлэх чиглэлээр орон нутагтаа үр дүнтэй ажил зохион байгуулсан Рашаант сумын Засаг дарга Ш.Бат-эрдэнэ, Дашинчилэн сумын Засаг дарга Д.Луттөмөр, Тэшиг сумын Засаг дарга Б.Батсайхан нарыг Цагдаагийн газрын “Баярын бичиг”, дурсгалын зүйлээр, бусад сумдын Засаг дарга нарт “Талархал”, дурсгалын зүйлээр тус тус урамшуулав.