Төв аймаг 2017 онд хүрсэн ололт амжилтаа бататган, “Ажилтай, орлоготой иргэн” урианы жилийн ажлын бодлого, үйл ажиллагааны үргэлжлэл болгож, 2018 оныг “Үйлдвэрлэл, үйлчилгээг дэмжих” жил болгон зарлаж, нээлтээ хийлээ. “Үйлдвэрлэл, үйлчилгээг дэмжих” жилд Төр, шинжлэх ухаан, хувийн хэвшил, өрх, иргэдийн хамтын ажиллагаанд түшиглэсэн үйлдвэрлэл үйлчилгээг хөгжүүлэн, нэмүү өртөг шингээсэн бүтээгдэхүүн, үйлчилгээг нэмэгдүүлж, аж үйлдвэрийн бүтцийг төрөлжүүлэн, бүтээмжийг дээшлүүлэх замаар эдийн засгийн тогтвортой өсөлтийг хангаж, ажлын байрыг 14000 хүргэн иргэдээ ажилтай, орлоготой болгох зорилт тавиад байгаа юм. “Үйлдвэрлэл, үйлчилгээг дэмжих” урианы жилийн нээлт саяхан аймгийн төв Зуунмод хотноо зохион байгуулагдсан бол өчигдөр буюу 2 дугаар сарын 8-ны өдөр Зуунмод сумын 6 багт нэгэн зэрэг нээлтийн арга хэмжээг зохион байгууллаа.
