МУЗН-ээс Дархан, Шарын гол сумын 200 малчин өрхийг ОУ-ын хүмүүнлэгийн тусламжид хамруулахаар болсон байна. Хоёр сумаас тус бүр 100 малчин өрх хамрагдах бөгөөд харьяа багуудаар нь дамжуулан тухайн өрхүүдийн бүртгэл, судалгааг хийж  дуусчээ. Өнөөдөр МУЗН-ийн Хүүхэд, залуучуудын хөтөлбөрийн багийн ахлагч С.Намсрайжав, Дархан-Уул аймгийн УЗХ-ны дарга Б.Отгонбаяр нар Дархан сумын удирдлагуудтай болон тусламжид хамрагдах малчидтай уулзлаа. Малчдад үзүүлэх эрдэс тэжээлийн багц бүхий тусламж гуравдугаар сарын эхээр ирэх юм байна. Олон улсын хүмүүнлэгийн тусламжид малчдыг хамруулсан явдалд талархаж байв.