Дархан сумын 15-р багийн 8-р хэсэгт байрлах үерийн ус хамгаалах далангийн ус давж илүүдэл нь хоолойгоор урсан тус багийн 9-р хэсгээр халин орсон байна. Албаныхан бүх бололцоогоороо ажиллан 9-р хэсгийн нүүрэн талын айл өрхүүдийг усанд автахаас сэргийлж арга хэмжээ авсан ч байгалийн давагдашгүй хүчин зүйлд автан тус хэсгийн 10 гаран айлаар шар усны үер дайран өнгөрчээ.

Тухайн нөхцөл байдалд онцгой комисс аж ахуй нэгж, байгууллагуудтай хамтран үерийн усыг байгалийнх нь голидролоор урсгаж хориглон хамгаалах далан босгон, үерийн ус зайлуулах хоолойруу урсгах арга хэмжээг авсан аж. Үерийн уснаас үүдсэн лаг шавар болон айл өрхийн 00, хашаанд хурсан усыг соруулах, татан зайлуулах ажлыг Ус суваг, НААҮГ хамтран хийж байна. Түүнчлэн Эрүүл мэндийн газраас айлуудын хашаа болон 00-д ариутгал халтваргүйжүүлэлтийг хийжээ.

Аймгийн Онцгой комиссын даргын шийдвэрээр гарсан 6 ажлын хэсэг айлуудаар зөвлөмж хүргэн, гар ариутгалын бодис тарааж заавар зөвлөгөө өгч ажиллаж байгаа юм.