· "Нутгийн өөрөө удирдах байгууллагын чадавхийг бэхжүүлэх нь" (MON-13/101) төслөөс 2014 оны 6-р сард Иргэдийн Төлөөлөгчдийн Хурлын санал санаачилга, иргэдийн оролцоотой шийдвэр гаргах үйл ажиллагаанд дэмжлэг үзүүлэх 6 сая төгрөгийн 6 тэтгэлэгийг нээлттэй зарласан. Аймаг, сум, дүүргийн Иргэдийн Төлөөлөгчдийн Хурлаас санал ирүүлснээс Булган аймгийн Хишиг-Өндөр сумын ИТХ, Дорнод аймгийн Хэрлэн сумын ИТХ, Архангай аймгийн Өгийнуур сумын ИТХ, Баянхонгор аймгийн ИТХ, Нийслэлийн Баянзүрх дүүргийн ИТХ, Хэнтий аймгийн ИТХ-ууд шалгарч тэтгэлгийн 90 хувийг хүлээн аваад байна. Эдгээр тэтгэлгийн төслүүдийн хэрэгжилт, сайн жишээ, туршлагыг бид KHURAL.MN-ээрээ дамжуулан Та бүхэнд байнга хүргэн мэдээлж байх болно.