Монгол улсын Ерөнхийлөгчийн 2010 оны 53 дугаар зарлиг, Дархан-Уул аймгийн Засаг даргын 2010 оны 66 дугаар захирамж , Дархан-Уул аймгийн Засаг даргын 2017-2020 оны үйл ажиллагааны хөтөлбөрт тусгагдсан ажлын хүрээнд энэ сарын 15-наас ирэх сарын 15-н хүртэлх хугацаанд 3-64-н насныхныг бие бялдрын түвшин тогтоох уг сорилд хамруулна. Энэ хүрээнд /2018.04.12/ аймгийн БТСГ-аас иргэдэд мэдээлэл өгч сургалт зохион байгууллаа. Тус сорилын гол зорилго нь Биеийн тамир спортыг бүх нийтийн үйл хэрэг болгох улмаар эрүүл амьдралын хэв маяг , зан үйлд сургах, аливаа саад, бэрхшээлийг даван туулах бие, сэтгэлийн тэсвэр хатуужилтай шинэ хүнийг бий болгоход оршиж байна. Улс даяар явагддаг энэхүү сорилд өнгөрсөн жил манай аймгийн 3-64 насны 15800 иргэн хамрагджээ.