Шалгалтаар Хонгор сумын 2 дугаар баг Хүйтний голын эх, Цэхэр цөөрөм гэх газарт 5 экскаватор байрлаж байсныг илрүүлэн 2 экскаваторын компьютерийг хураан авч, үйл ажиллагааг нь зогсоож Цагдаагийн газарт шилжүүлэн эрүүгийн хэрэг үүсгэсэн байна.
Мөн тус газарт байрлаж байсан 8 иргэнийг албадан буулгажээ. Дархан-Уул аймгийн Хонгор сумын нутаг дэвсгэрт 2018 он гарснаас хойш нийт 5 иргэнд 6 эрүүгийн хэрэг үүсгэж аймгийн Цагдаагийн газарт шилжүүлэн мөрдөн байцаалтын ажиллагаа явагдаж байна. Тус 6 эрүүгийн хэргийн 3 хэрэгт нийт 8,229,220 төгрөгийн байгаль орчинд учруулсан экологи, эдийн засгийн үнэлгээ гарч Прокурорын байгууллагад шилжүүлсэн байна. Үлдсэн 3 эрүүгийн хэрэгт шинжээч томилогдон байгаль орчинд учруулсан хохирлын хэмжээг тогтоохоор ажиллаж байна.
