Хичээлийн шинэ жилийг угтаж зорилтот бүлгийн хүүхдүүдэд хичээлийн хэрэгсэл олгох "Нэг дэвтэр, нэг үзэг" сайн санааны аяныг аймгийн Нийгмийн халамж үйлчилгээний хэлтсээс санаачилан зохион байгуулж байна. Тус хэлтсээс хичээлийн хэрэгсэл нэн шаардлагатай 60 хүүхдийн судалгааг гаргаж, төрийн байгууллагуудад удирдамж хүргүүлсэн байна.
Уг аянд аймгийн ИТХ-ын ажлын албаны ажилтнууд нэгдэж, өөрт илүү байгаа хичээлийн хэрэгслийг хандивлалаа. Зорилтод өрхүүдийн хүүхдүүдийг сурч боловсроход нь тус дэм болж, хичээлийн хэрэгсэл олгосноор тэдний сурах хүсэл эрмэлзлэл нэмэгдэнэ гэж аяныг зохион байгуулагчид ярьж байна.