БНСУ-ын Инчеон хотын Нам дүүргийн Засаг дарга Пак Ү Соб тэргүүтэй төлөөлөгчид Зуунмод хотод албан айлчлал хийсэн бөгөөд Зуунмод сумын Иргэдийн төлөөлөгчдийн хурлын дарга Ц.Энхжин, Зуунмод сумын Засаг дарга Г.Мөнхбадрал болон Тамгын газрын албан хаагчид хүлээн авсан юм.
Энэхүү айлчлалын үеэр Зуунмод сумын Иргэдийн төлөөлөгчдийн хурлын дарга Ц.Энхжингийн санаачилсан Хөгжлийн бэрхшээлтэй хүүхдүүдийн суралцах анги танхим, ариун цэврийн өрөөний засвар шинэчлэлийн ажлыг хийхэд зориулан 40 сая төгрөгийн буцалтгүй тусламж үзүүлэх болсноо албан ёсоор мэдэгдсэн бөгөөд тус ажлын хүрээнд “Хүмүүн цогцолбор” сургуулийн бага сургууль, цэцэрлэгийн үйл ажиллагаатай танилцсан байна.
БНСУлсын Инчеон хотын Нам дүүргийн Засаг дарга Пак Ү Соб хэлсэн үгэндээ хоёр тал цаашид илүү олон салбарт хамтран ажиллаж, хамтын ажиллагаа улам өргөжин тэлнэ гэдэгт итгэлтэй байгаагаа илэрхийлсэн байна.
