Дархан-Уул аймагт иргэдийн аятай тухтай орчин нөхцөлийг нэмэгдүүлэх зорилгоор 2018 онд гэрэлт гудамж байгуулахаар төлөвлөсөн. Тус гудамж нь аймгийн үзвэр үйлчилгээний нэгдсэн төв болох үйлчилгээний төв-Эрдэнэс плазагаас Номингийн уулзвар хүртэлх төв авто зам дагуу байрлах юм. Гэрэлт гудамж байгуулах ажлын хэсэг өнөөдөр /2018.05.04/ Аж ахуй нэгж байгууллагуудын удирдлагуудтай уулзалт хийн зам дагасан тохижилт үйлчилгээг сайжруулах, тус хэсэгт байрлах худалдаа үйлчилгээний байгууллагууд гаднах тохижилтоо хийх шаардлагатайг анхаарууллаа. Ирэх 7 дугаар сард энэхүү гэрэлт гудамж бэлэн болж нээлтээ хийх юм.