Жаргалант суманд гоц халдварт шүлхий өвчин гарсантай холбогдуулан сумын иргэд, төсөвт болон хувийн хэвшлийн байгууллагууд хуваарийн дагуу хяналтын пост ажиллуулж, хорио цээрийн бүс тогтоогоод байгаа тухай бид өмнө нь мэдээлсэн. Тэгвэл Монголын Улаан Загалмайн нийгэмлэг уг өвчний улмаас малын гарз хохирол амссан Баянбулаг III дугаар багийн 16 өрхөд хүнсний багц, хувцас зэрэг буцалтгүй тусламж үзүүлжээ. Мөн сумын “Улаан загалмайн анхан шатны хороо”-ноос санаачлан сайн үйлсийн аяныг зохион байгуулсан бөгөөд аянд нийт 104 иргэн хамрагдсан байна. Иргэдийн зүгээс малчдад ажлын бээлий, лаа, чүдэнз, хүнсний зүйлс болон 608 мянган төгрөгийг бэлнээр цуглуулсан байна. Иргэдийн хандиваар цугласан бэлэн мөнгөнөөс 260 мянган төгрөгийг устгалын цэгт ажиллаж байгаа ажилчдын хөдөлмөр хамгааллын хувцас, хэрэглэлийн зардалд, 348 мянган төгрөгийг хоол хүнсэнд зарцуулахаар шийдвэрлэсэн бөгөөд албаны хүмүүст хүлээлгэн өгчээ.
Иргэдийн төлөөлөгчдийн хурлын нэгдсэн цахим хуудас
ИТХ-ын нэгдсэн хуудас
Нутгийн өөрөө удирдах байгууллага нь аймаг, нийслэл, сум, дүүрэгт тухайн нутаг дэвсгэрийн иргэдийн Төлөөлөгчдийн Хурал, баг, хороонд иргэдийн Нийтийн Хурал байна. Монгол Улсын Үндсэн хуулийн Тавин есдүгээр зүйлийн 2 дахь хэсэг МУТББ төслөөс санаачлан бүтээв.ЖАРГАЛАНТ СУМАНД ТУСЛАМЖИЙН АЯН ӨРНӨСӨӨР БАЙНА
2018-05-10
