Бурхан багшийн “Их Дүйчин” өдөр буюу 2018.05.29-нд Аймгийн ИТХ-ын дарга бөгөөд аймгийн хэмжээнд Төр, сүм хийдийн харилцааг зохицуулах зөвлөлийн дарга П.Пүрэвлхагва Жавзандамба хутагт төвийн багш, гавьж Д.Нямсамбууг хүлээн авч уулзлаа.
Уулзалтаар аймгийн хэмжээнд үйл ажиллагаа явуулж байгаа шашны байгууллагууд, төрөөс баримтлах бодлого, бурханы шашны сургаалийн онцлог, зорилго, нийгмийг соён гэгээрүүлэх чиглэлээр цаашид хамтран хэрэгжүүлэх арга хэмжээ зэргийн талаар ярилцаж, санал солилцлоо.
